Батырхан Төлеуғали Түркиядағы турнирде чемпион атанды

Анталья (Түркия) қаласында таеквондодан ірі халықаралық Turkiye Open-2026 турнирі өтті.

Жарыстың соңғы күнінде Қазақстан құрамасы төрт медаль жеңіп алды.

Батырхан Төлеуғали (87 кг дейін) ұлттық құрамаға алтын медаль сыйлады. Эльдар Бірімбай (74 кг дейін) күміс жүлдегер атанды. Абылайхан Мергенбай (63 кг дейін) мен Бейбарыс Қаблан (87 кг+) жарысты қола медальмен аяқтады.

Бұған дейін 46 кг дейінгі салмақтағы Айдана Құмартаева екінші орынға ие болған еді. Ал Нодира Ахмедова (53 кг дейін), Айдана Сүндетбай (53 кг дейін), Мария Севостьянова (57 кг дейін), Назым Махмұтова (73 кг дейін) қола медаль жеңіп алды.