Қазақстан дзюдошылары Азия чемпионатының алғашқы күнінде жүлдеге қол жеткізе алмады

Қазақстан құрамасы Қытайдың Ордос қаласында өтіп жатқан дзюдодан Азия чемпионатының алғашқы жарыс күнін аяқтады.

Финалдық кезеңге ұлттық құраманың үш спортшысы шыққанымен, бұл жолы жүлде бұйырмады.

Қола медаль үшін Шерзод Давлатов пен Аман Бақытжан 60 кг салмақта, ал Нұрқанат Серікбаев 66 кг салмақта белдесті. Давлатов өзбекстандық Самариддин Кучкаровқа есе жіберді. Бақытжан моңғолиялық Туменаджаргал Тувшинтурдан жеңілді. Ал Серікбаев қытайлық Цзыян Сюуэйге жол берді.