Эсмигүл Куюлова дзюдодан Азия чемпионатының қола жүлдегері

Ордос (Қытай) қаласында бастау алған Азия чемпионатында ұлттық құрама спортшысы Эсмигүл Куюлова (-63 кг) қола жүлде иегері атанды.

Отандасымыз жұбаныш белдесуінде тайбэйлік Ян Пей-Чуннан басым түсті (қарсыласы жарақатына байланысты кездесуден бас тартты).

23 жастағы қазақстандық дзюдошы осымен Азия деңгейіндегі үшінші қола жүлдесін жеңіп алды. Бұған дейін ол 2024 жылы Гонконгта өткен Азия чемпионатында қола медальға ие болған еді. Сондай-ақ, спортшы 2023 жылы Ханчжоудағы Азия ойындарында да қола жүлдегер атанған.