Абылайхан Жұбаназар дзюдодан Азия чемпионатының қола жүлдегері

Қазақстандық дзюдошы Қытайдың Ордос қаласында өтіп жатқан Азия чемпионатында ұлттық құраманың қоржынына екінші қола медаль әкелді.

Отандасымыз 81 кг дейінгі салмақ дәрежесінде үшінші орынға ие болды.

Қола медаль үшін өткен белдесуде Абылайхан БАӘ өкілі Гаджимурад Омаровты айқын басымдықпен жеңді.

Айта кетейік, Абылайхан Ханчжоуда өткен Азия ойындарының қола жүлдегері.