Қазақстан құрамасы дзюдодан Азия чемпионатының күміс жүлдегері атанды

Қазақстан құрамасы Қытайдың Ордос қаласында өтіп жатқан дзюдодан Азия чемпионатының финалында өнер көрсетті.

Аралас командалық сайыстың жартылай финалында отандастарымыз БАӘ құрамасынан басым түсіп, финалда Моңғолия құрамасымен кездесті.

Финалда Қазақстан құрамасы Моңғолиядан 0:4 есебімен жеңіліс тапты.

Қазақстан құрамасы осылайша Азия чемпионатында аралас командалық жарыста күміс жүлдеге ие болды. Бұл - Қазақстан үшін биылғы Азия чемпионатындағы командалық жарыстағы ең жоғары нәтиже.

Қазақстан құрамасы турнирде жалпы алты жүлде жеңіп алды (1 алтын, 4 қола және 1 күміс).