Талдықорғанда жүзуден Қазақстан чемпионаты басталды

Талдықорғанда 2026 жылғы жүзуден Қазақстан Республикасының жазғы чемпионаты басталды. Жарыс 5-8 мамыр аралығында өтеді және оған еліміздің 17 өңірінен 372 спортшы қатысуда. Оның ішінде 229 ер адам және 143 әйел бар.

Турнир World Aquatics халықаралық күнтізбесіне енгізілген және рейтингтік мәртебеге ие. Сонымен қатар, бұл дода 2026 жылдың желтоқсан айында Қытайда өтетін (25 м) қысқа су айдынындағы жүзуден әлем чемпионатына, сондай-ақ күзде Сенегалда жоспарланған Жасөспірімдер Олимпиада ойындарына іріктеу кезеңі болып саналады.

Жарысқа қазақстандық спортшылармен қатар Қырғызстан, Ресей, Тәжікстан және Өзбекстан елдерінің өкілдері де қатысуда.