«Болашақ» бағдарламасын аяқтаған «Kazsport» қызметкерін құттықтаймыз

«Kazsport» телеарнасының тарихында алғаш рет «Болашақ» бағдарламасымен шетелде оқыған Зарина Сейфуллина оқуын аяқтап, редакторлық қызметке кірісті.  

Лондон экономика және саяси ғылымдар мектебінде медиа және коммуникация саласын басқару бойынша магистр дәрежесін алды. Аталған оқу орны медиа және коммуникация бойынша әлемдегі үздік мектептер үштігінде.

«Қазақстан» телерадиокорпорациясының ұжымы оқуды сәтті аяқтап, елге оралған Зарина Сейфуллинаны құттықтайды, алдағы жұмысына сәттілік тілейді.