Азиада - 2018. Саблядан әйелдер құрамасы Қазақстан қоржынына қола сыйлады

Индонезия астанасы Джакарта қаласында өтіп жатқан жазғы Азия ойындарында Қазақстан қоржынына тағы бір медаль түсті.

Бұл жолы саблядан Қазақстан әйелдер құрамасы жартылай финалда Қытай құрамасына есе жіберіп, қола жүлдені қанағат тұтты. Қорытынды есеп 25:45.

Тамара Почекутова, Әйгерім Сарыбай, Айбике Хабибуллина және Татьяна Приходько олжалаған қола жүлде Қазақстан үшін Азия ойындарындағы 14-ші медаль болды.