Дмитрий Алексанин әлем кубогі кезеңінде қола медаль жеңіп алды

Швейцарияның Берн қаласында өтіп жатқан шпагадан әлем кубогі кезеңінде қазақстандық Дмитрий Алексанин қола медаль жеңіп алды. 

Қазақстандық спортшы жартылай финалға дейін сүрінген жоқ. Финал жолдамасына таласта Алексанин әлем чемпионатының екі мәрте жүлдегері, Рио Олимпиадасының қатысушысы, нидерландтық Бас Вервейленге есе жіберді. 

Есеп – 10:15. Осылайша, Дмитрий Алексанин әлем кубогі кезеңінде үздік үштікке енді. 

Жарысқа жалпы есебі 290 спортшы қатысты. 

Еске сала кетейік, Дмитрий Алексанин Азия ойындарының чемпионы. 

ҚР ҰОК