"Астана" футбол клубы бесінші жыл қатарынан ел чемпионы атанды

"Астана" футбол клубы бесінші жыл қатарынан ел чемпионы атанды. 

"Астана" чемпионат аяқталуына дейін 3 ойын қалғанда қоржындағы 71 ұпаймен ел чемпиондығы атағына ие болды. Екінші сатыда тұрған "Қайратта" 61 ұпай бар. Кейінгі 3 ойында да жеңіске жеткенмен алматылық команданың ұпайы чемпион атануға жеткіліксіз.

Премьер-Лига ойындарының 31-ші туры аясында алматылық «Қайрат» өз алаңында павлодарлық «Ертіске» жеңіліп қалды.

Сонымен қатар, ел біріншілігінің барлық жүлдегерлері де анықталды. 31-ші тур аясында елодалық клубты өз алаңында қабылдаған қостанайлық "Тобол" 1:0 есебеімен жеңіске жетіп, чемпионаттың қола жүлдегері атанды.