Қазақстан - Латвия ойыны тікелей эфирде
УЕФА Ұлттар лигасының топтық кезеңі аясында Қазақстан Ұлттық құрамасы елордада Латвия футболшыларын қабылдайды.
Қазіргі таңда Қазақстан құрамасы қоржындағы 5 ұпаймен топта екінші сатыда тұр. Латвия құрамасының еншісінде 2 ұпай. Көш басында жеңіліс таппаған Грузия құрамасы - 12 ұпай.
Аталмыш ойында Йенс Мое бастаған даниялық төрешілер құрамы қызмет ететін болады. Ригада өткен алғашқы ойында қос команда 1:1 есебімен тең тарқасқан болатын.
Ойынды 15 қараша күні сағат 20:50-де "QAZSPORT" арнасының тікелей эфирінен тамашалай аласыздар.
Сондай-ақ, "QAZSPORT" арнасы түнгі 01:35-те Бельгия мен Исландия құрамалары арасындағы ойынды тікелей эфирде көрсетеді. Ал, "QAZAQSTAN" арнасынан дәл осы уақытта Хорватия мен Испания арасындағы тартысты ойынды тамашалай аласыздар.
