Қазақстан мен Латвия құрамалары тең тарқасты

Футболдан Қазақстан ұлттық құрамасы Ұлттар лигасы аясында Латвия құрамасын қабылдап, тең түсті. Астанада өткен кездесуде қос құрама 1:1 есебімен тең тарқасты.

Бірінші таймда Гафуржан Сүйімбаевтың соққан голы Қазақстанды алға шығарған. Және есепті еселеуге Ұлттық құрама жігіттерінде бірнеше мүмкіндік болды. Бірақ, дәлдік жетіспеді.

Ал, екінші тайм басталысымен қонақтар шабуылын үдете түсті. Алаң иелерінің айып алаңында болған қарбалас сәттердің бірінде Латвия ойыншысы Денис Ракель есепті теңестіріп кетті. Қорытынды есеп 1:1.

Қазақстан құрамасы топтағы соңғы ойынын 19 қараша күні сырт алаңда Грузия құрамасына қарсы өткізеді.

Фото: Қазақстан футбол федерациясы