Қазақстан Ұлттық құрамасы сырт алаңда Грузия футболшыларымен ойнайды

УЕФА Ұлттар лигасының топтық кезеңі аясында Қазақстан Ұлттық құрамасы сырт алаңда Грузия футболшыларымен кездеседі. 

Қазіргі таңда Қазақстан құрамасы қоржындағы 6 ұпаймен топта екінші сатыда тұр. Көш басында жеңіліс таппаған Грузия құрамасы - 13 ұпай.

Аталмыш ойында Тьягу Мартинш бастаған португалиялық төрешілер құрамы қызмет ететін болады. Астанада өткен алғашқы ойында қазақстандықтар 0:2 есебімен есе жіберген еді.

Ойынды 19 қараша күні сағат 22:50-де "QAZSPORT" арнасының тікелей эфирінен тамашалай аласыздар. 

Сондай-ақ, "QAZSPORT" арнасы түнгі 01:40-те Германия мен Нидерланды құрамалары арасындағы ойынды тікелей эфирде көрсетеді.