Абзал Әжіғалиев шорт-тректен Әлем Кубогының күміс жүлдесіне ие болды
Канаданың Калгари қаласында шорт-тректен Әлем Кубогының бірінші кезеңі аяқталды. Бұл сайыста қазақстандық Абзал Әжіғалиев күміс медальға ие болды деп хабарлайды Olympic.kz.
Жаңа маусымдағы алғашқы ірі халықаралық жарыс Қазақстан командасы үшін сәтті өтті. Бұл сайыста қазақстандық спортшылар әлемдік деңгейде жоғары орындарға шығуға дайын екендіктерін көрсетті.
Осы тұста Абзал Әжіғалиевтің 500 метр қашықтықта өнер көрсетуін ерекше атауға болады. Ол Олимпиада чемпионы қытайлық Дацзинге ғана (39.915) жол беріп, күміс медальді жеңіп алды. Айтпақшы, Абзал көрсеткен 40.136 сеундтық нәтиже Қазақстанның жаңа рекорды болып табылады. Ал сайыста үшінші орынды Венгриядан келген Шандор Лю иеленді.
