Денис Тен - Қысқы Универсиада чемпионы (ВИДЕО)

«Алматы Арена» мұз сарайында мәнерлеп сырғанаудан ерлер арасындағы жарыс өз мәресіне жетті. 

Қазақстандық мәнерлеп сырғанаушы Денис Тен Алматыда өтіп жатқан Қысқы Универсиада чемпионы атанды. Отандасымыз қысқа бағдарламада 94,91 ұпай, еркін бағдарламада 172,06 ұпай  жинап, жалпы есепте 266,97 ұпайға ие болды.

Күміс жүлде жапониялық Кэйдзи Танакеге (252,09) бұйырса, қоланы швециялық Александр Майоров (246,56) еншіледі.

Денистің жүлдесі - Қазақстан қоржынындағы 10-шы алтын медаль.