ДАНИЯР ҚАЙСАНОВ ЕРКІН КҮРЕСТЕН АЗИЯ ЧЕМПИОНЫ АТАНДЫ (ВИДЕО)
Күрес түрлерінен Қытайдың Сиянь қаласында өтіп жатқан Азия чемпионатында Қазақстан құрамасы екінші алтынын жеңіп алды. Еркін күрестен 74 келіде белдескен Данияр Қайсанов құрлықтық доданың жеңімпазы атанды.
Финалдық белдесуде Қайсанов үндістандық балуан Дханкарды 5:0 есебімен жеңді.
Осылайша, ел қоржынында еркін күрестен 2 алтын, 1 күміс және 2 қола медаль бар.
