Таеквондодан Әлем чемпионатына қатысатын қазақстандық спортшылар тізімі жарияланды

Мамырдың 15 мен 20 аралығында Ұлыбританияның Манчестер қаласында таеквондодан әлем чемпионаты өтеді.

Әлем чемпионатында олимпиадаға жолдама беретін рейтингтік ұпайлар сарапқа салынатын болады.

Қазақстан командасының бапкерлер құрамы Манчестердегі жарысқа қатысатын спортшыларды іріктеп алды. Британияда төселетін даянгте 16 қазақстандық таеквондошы медальға таласады.

Ерлер арасында Самат Темірхан (54 кг), Елдос Ысқақ (58 кг), Эльдар Бірімбай (63 кг), Нұрсұлтан Мамаев (68 кг), Қайрат Сарымсақов (74 кг), Нұрлан Мырзабаев (80 кг), Смайыл Дүйсебай (87 кг) және Руслан Жапаров (+87 кг) бақ сынайды. 

Қыздар арасындағы жарысқа Айнұр Уашпай (46 кг), Айнұр Есбергенова (49 кг), Фариза Алданғарова (53 кг), Ботагөз Қопанова (57 кг), Фатима Жақсыбаева (62 кг), Ақсәуле Ерқасымова (67 кг), Жансель Дениз (73 кг), Мереке Жүнісова (+73 кг) даянгке шығатын болады.

ҚР ҰОК