Михаил Кукушкин жаңартылған ATP рейтингінде 13 сатыға көтерілді

Қазақстандық теннисші Михаил Кукушкин жаңартылған ATP рейтингінде 13 сатыға көтеріліп, 45-ші орынға тұрақтады. Отандасымыз жақында аяқталған «Уимблдон» турнирінің 1/8 айналымына дейін жеткен болатын.

АТР рейтингінде «Уимблдон» жеңімпазы Новак Джокович көш бастап тұр. Екінші орында испаниялық теннисші Рафаэль Надаль тұрса, үздік үштікті швейцариялық Роджер Федерер түйіндеді.