Англия құрамасы Еуропа Чемпионатының финалына жолдама алды
Англия құрамасы Еуропа Чемпионатының жартылай финалында Нидерландты 2:1 есебімен жеңіп, өз тарихында екінші рет Еуропа Чемпионатының финалына шықты. Естеріңізде болса, 2020 жылы финалда ойын соңындағы пенальти сериясында Гарет Саутгейттің шәкіреттері Италияға 2:3 есебімен жол берген еді.
Жартылай финалдық ойынның 7 минутында Хави Симонс есеп ашып, Нидерландты алға шығарғанымен 22 минутта Харри Кейн пенальтиді сәтті орындап, есепті теңестірді. Ойынның 90+1 минутында ойынға тыңнан қосылған Уолли Уоткинс гол соғып, Англияны финалға алып шықты.
Жартылай финалда жеңілген Нидерланд және Франция құрамалары автоматты түрде Еуропа Чемпионатының қола жүлдегерлері атанды. Айта кетейік, Еуропа Чемпионатында 1984 жылдан бастап үшінші орын ойын өткізідмейді.
Финалда Англия құрамасы Испаниямен кездеседі. Еуропа Чемпионатының соңғы 51 ойыны 14 шілде күні Берлиндегі Олимпиаштадион алаңында өтеді.
