Бокстан Әлем чемпиондары елге оралды
Бокстан Әлем чемпиондары елге оралды
Черногорияның Будва қаласында өткен әлем чемпионатында бокстан жастар құрамасы рекорд орнатып, командалық есепте көш бастады.
Сайысқа әлемнің 73 мемлекетінен 593 боксшы қатысты. Халықаралық додада 25 боксшымыз сынға түсіп, оның он жетісі жүлдемен оралды. Спортшыларымыздың қоржынында 6 алтын, 1күміс, 10 қола бар.
Ел мақтаныштарын бүгін Алматы әуежайынан жақындары мен жанкүйерлері ерекше қошеметпен күтіп алды.
