Коул Палмер Клубтар арасындағы Әлем чемпионатының үздік ойыншысы атанды

Турнирдің үздік ойыншысы «Челси» клубының жартылай қорғаушысы Коул Палмер болды. Финалда Палмер дубль авторы атанып, Лондондық команданың «Пари Сен-Жерменді» 3:0 есебімен ойсырата жеңуіне көмектесті.

Турнирдің үздік қақпашысы атағы тағы бір «Челси» ойыншысы Роберт Санчестің еншісіне тиді. Испаниялық қақпашы турнир бойы сенімді ойнап, финалдық кездесуде қақпасын голдан аман сақтап қалды.

Үздік жас ойыншы марапаты «ПСЖ» клубының вингері Дезире Дуэге табысталды. Шешуші матчта жеңіліс тапқанына қарамастан, жас француз бүкіл турнир барысында жоғары деңгейде өнер көрсетті.