Қазақстандық спортшылар Германияда өтетін Дүниежүзілік жазғы Универсиадаға қатысады

16-27 шілде аралығында Германияның Рейн-Рур өңірінде студенттер арасындағы ХХХІІ Дүниежүзілік жазғы Универсиада өтеді.

Биылғы Универсиадада Қазақстан намысын 12 спорт түрі бойынша 76 спортшы қорғайды.

2025 жылғы Универсиада бағдарламасына 18 спорт түрі кіреді. Олардың қатарында – жеңіл атлетика, жүзу, ескек есу, қылыштасу, гимнастика, жебе ату, таеквондо және өзге де спорт түрлері бар. Қатысушылар саны 8 500-ден асады, ал жарысқа 160-тан астам елдің студенттік спорт федерациялары қатысатынын растады.