Қазақстан жасөспірімдер құрамасы гандболдан әлем чемпионатына жолдама алды

Қазақстанның қыздар құрамасы Қытайдың Цзинганшань қаласында өткен Азия чемпионатында сәтті өнер көрсетіп, 2026 жылы өтетін жасөспірімдер арасындағы әлем чемпионатына жолдама иеленді.

Ұлттық құрама құрлықтық біріншілікте жартылай финалға дейін жетіп, үшінші орын үшін өткен матчта Оңтүстік Кореяға 21:30 есебімен жол берді.

Дегенмен, Қазақстан құрамасы Азия чемпионатының үздік төрттігіне еніп, әлем біріншілігіне қатысу мүмкіндігіне ие болды.