Қазақстандық мәнерлеп сырғанаушылар Asian Figure Skating Youth Camp лагеріне қатысады

10–18 тамыз аралығында Қытайдың Харбин қаласында Азияның жасөспірімдерге арналған мәнерлеп сырғанаудан оқу-жаттығу лагері – Asian Figure Skating Youth Camp өтеді.

Іс-шараны Азия Олимпиадалық кеңесі (OCA), Халықаралық конькимен жүгірушілер одағы (ISU) және «Азия балалары» халықаралық комитеті (CAIC) бірлесіп ұйымдастырып отыр. Лагерь OCA/OS континенттік бағдарламасы аясында өткізіледі.

Жиынға 2009–2013 жылдары туған жас мәнерлеп сырғанаушылар қатысады. Қазақстан атынан Екатерина Доставалова мен Семен Резник ел намысын қорғайды.