Ресми: Талғат Байсуфинов Қазақстан құрамасының бас бапкерінің міндетін атқарушы болып тағайындалды

Бұл туралы Қазақстан футбол федерациясы хабарлады:

«Талғат Маруаұлы ұлттық құраманы 2026 жылғы әлем чемпионатының іріктеу кезеңі аясында өтетін Лихтенштейн (10 қазан) және Солтүстік Македониямен (13 қазан) болатын ойындарда дайындайды».

Талғат Байсуфинов бұған дейін 2016-2017 және 2020-2022 жылдары ұлттық құраманы екі мәрте басқарған болатын. Ал қазіргі таңда Қазақстан жастар құрамасы (U21) бапкерлерінің менторы қызметін атқарады.