Ғалымжан Кенжебек қайтадан Еуропаға кетуі мүмкін

«Елімай» футбол клубының ойыншысына Шотландия, Түркия, Грекия мен Португалиядан қызығушылық бар дейді Ғалымжанның агенті Мамука Ломидзе ASnews сайтына берген сұхбатында.

Еске салсақ, жас футболшы маусым ортасында Словакияның «Кошице» клубынан Семейдің «Елімайына» ауысқан еді. Ғалымжан Кенжебек ҚПЛ-де 11 матч өткізіп, 6 гол соғып, 4 нәтижелі пас берген. Семейлік команда жартылай қорғаушының арқасында чемпионатты сәтті аяқтап, УЕФА Конференциялар лигасының іріктеу кезеңіне жолдама алды.