«Интер» - «Қайрат»: ойынын қайдан көруге болады?

«Қайрат» тарихи «Джузеппе Меацца» стадионында «Интермен» ойнайды

Қазақстандық команда Чемпиондар лигасының 4-турында турнирдің басты фавориттерінің бірімен кездеседі. «Нерадзуррилер» жарыс кестесінде 9 ұпаймен үшінші орында тұр. Кристиан Киву жаттықтыратын ұжым ішкі чемпионатта екінші орынға жайғасқан.

«Қайрат» ел чемпионатын жеңіп, енді бар назарын Чемпиондар лигасына аударды. «Сары-қаралар» бүгінгі ойында жақсы нәтиже көрсетуге ниетті. Барлық ойыншылар толық демалып, енді өздерін көрсету үшін бар күшін салады.

Екі команда тарихта алғаш рет кездеседі. Тарихи матчты бүгін түнде, сағат 00:50-де, «Qazaqstan» телеарнасы тікелей эфирде көрсетеді.