Германия құрамасы Әлем чемпионатына жолдама алды

Лейпциг қаласында Германия өз алаңында Словакияны қабылдады. Матч немістердің пайдасына 6:0 есебімен аяқталды.

Бұған дейін, қыркүйек айында өткен матчта немістер словактардан 0:2 есебімен ұтылған еді. Алайда бұл жолғы ойында Германия құрамасы алғашқы минуттардан-ақ басымдық танытты. 18-минутта шабуылшы Ник Вольтемаде есеп ашты, бірінші тайм соңына дейін Германия тағы үш гол соқты. 67-минутта Ридле Баку есепті 5:0-ге жеткізді. 79-минутта дебютант Ассан Уэдраого өзінің алғашқы матчындағы голын соқты.