Хоккейден Қазақстан жастар құрамасы Әлем чемпионатында Словенияны жеңді

Шайбалы хоккейден жастар арасындағы Әлем чемпионатының А дивизионындағы екінші матчта Қазақстан құрамасы Словениямен кездесті.

Матч барысында отандастарымыз 0:2, 1:3 және 2:4 есебімен жеңіліп жатып, соңғы минуттарда есепті теңестіріп кетті.

Буллит сериясында Әлішер Сәркенов дәл соққы жасап, ұлттық құрамаға жеңіс сыйлады.

Осылайша Қазақстан құрамасы Словениядағы әлем чемпионатында алғашқы жеңісіне қол жеткізді.

Бірінші ойында Қазақстан құрамасы Украинаға овертаймда 1:2 есебімен жеңілген еді.

10 желтоқсанда Антон Васиннің шәкірттері Франция құрамасына қарсы ойнайды.