Шорт-тректен 2026 жылғы қысқы Олимпиадаға қатысатын Қазақстан ұлттық құрамасы анықталды

Олимпиада лицензиясын алған спортшылардың тізімі биыл 9 қазан мен 30 қараша аралығында өткен шорт-тректен Әлемдік тур нәтижесі бойынша анықталды. Қазақстан құрамасы жалпы 9 лицензия жеңіп алды.

Бас бапкер Петр Гамидов пен бапкерлер штабының шешімімен 2026 жылғы қысқы Олимпиадада ел намысын Денис Никиша, Абзал Әжіғалиев, Ольга Тихонова және Яна Хан қорғайды.

Лицензия бойынша ақпарат: 2000 м (микст) – 1 лицензия

Ерлер: 500 м – 2 лицензия 1000 м – 1 лицензия
Әйелдер: 500 м – 2 лицензия 1000 м – 1 лицензия 1500 м – 2 лицензия

XXV қысқы Олимпиада ойындары 2026 жылғы 6-22 ақпан күндері Милан мен Кортина-д’Ампеццо қалаларында өтеді. Оған 93 елден 3 500-ден астам спортшы қатысады.