Киберспортшы Данил Голубенко әлем бойынша үздік ойыншылар қатарына енді

Қазақстандық киберспортшы Данил Голубенко HLTV порталының нұсқасына сәйкес Counter-Strike 2 дисциплинасы бойынша 2025 жылдың қорытындысында әлемнің ең үздік алты ойыншысының қатарына енді.

HLTV Awards 2025 марапаттау рәсімі Сербияның Белград қаласында өтті. Спортшыға марапатты Counter-Strike тарихындағы танымал бельгиялық киберспортшы Адиль Бенрлитом табыстады.

Айта кетейік, Данил 2025 жылы бразилиялық FURIA командасының құрамында төрт ірі турнирде жеңіске жетіп, FISSURE Playground 2 және IEM Chengdu 2025 жарыстарында MVP атағын иеленген еді. Сондай-ақ бірнеше мәрте EVP атанды.