Допинг дауына іліккен Жәнібек Әлімханұлының ісі қайта қаралатын болды

Қазақстанның кәсіпқой бокс федерациясының президенті Рахымжан Ерденбеков істің 23 қаңтарда қайта қаралатынын растады.

Қоғамда кәсіби боксшы Жәнібек Әлімханұлының допинг-сынамалары мен ісіне қатысты тыңдаулардың оң нәтижелері талқыланып жатқандықтан, түсіндірме беруді қажет деп санаймын. Қазақстанның Кәсіби бокс федерациясының тәртіптік комиссиясы алғашқы тыңдауды өткізді. Оның мақсаты — материалдар мен рәсімдерге асығыс қорытынды шығару емес, баға беру болды. Осы кезеңнің өзінде-ақ істің формалды түрде қарастырылмайтыны және қосымша медициналық, сараптамалық әрі құқықтық бағалауды қажет ететіні анық болды. Осыған байланысты 23 қаңтарға қайта тыңдау тағайындау туралы шешім қабылданды. Бұл күрделі допинг істеріндегі халықаралық стандартты тәжірибе. Айта кетейін, допинг-сынаманың оң нәтижесі спортшының қасақана әрекетін немесе елеулі кінәсін өздігінен дәлелдемейді. Комиссия істі халықаралық спорт құқығында танылған No Significant Fault or Negligence (елеулі кінә немесе немқұрайлылықтың болмауы) қағидатын ескере отырып қарастырады. Барлық рәсімдер аяқталғанға дейін комиссия түпкілікті қорытынды жасаудан тартынады. Барлық шешімдер тек фактілерге сүйене отырып, әділдік пен халықаралық стандарттар қағидаттарын сақтай отырып қабылданады Қайта тыңдау — 23 қаңтар, - деді федерация президенті.