Астанада семсерлесуден Әлем кубогы өтеді

Қазақстанда тұңғыш рет 26–29 наурыз аралығында семсерлесуден Әлем кубогының кезеңі өтеді. Жыл сайын Халықаралық семсерлесу федерациясы (FIE) күнтізбесіне енген осындай бес кезең өткізіледі.

Биылдан бастап ұйымдастырушы елдердің қатарына алғаш рет Қазақстан қосылып, Орталық Азияда семсерлесуден Әлем кубогын өткізу құқығына ие болған алғашқы мемлекет атанды.

Жарысқа әлемнің 96 елінен 600-ден астам спортшы қатысады деп күтілуде. Турнир ерлер және әйелдер арасында жекелей және командалық сындар бойынша өтеді.