Джиу-джитсу: Сейілхан Болатбек Азиадада қола медаль жеңіп алды

Жапонияның Аичи префектурасы мен Нагоя қаласында өтіп жатқан ХХ жазғы Азия ойындарында джиу-джитсудан жарыстар жалғасуда.

77 келіге дейінгі салмақта екі қазақстандық спортшы сынға түсті. Қола жүлде үшін болған отандық дербиде Сейілхан Болатбек Адлан Мадаевты 2:0 есебімен жеңіп, Азия ойындарының қола жүлдегері атанды.

Осылайша, Сейілхан Болатбек Аичи-Нагоядағы Азия ойындарында Қазақстан қоржынына кезекті медальді қосты.

Айта кетейік, бұған дейін джиу-джитсудан Нұржан Батырбеков 69 келіге дейінгі салмақта күміс, Жібек Құлымбетова 48 келіге дейінгі салмақта қола медаль иеленген еді.