Нұршат Төлеуқасым Азия Пара ойындарында пара садақ атудан қола медаль жеңіп алды

Ерлер арасындағы W1 класында өткен қола медаль үшін кездесуде отандасымыз Таиланд спортшысы Супхават Самутчайякиджді 6:2 есебімен жеңді. Кездесудің төрт сеті 26:24, 23:22, 23:26 және 26:23 есебімен аяқталды.
Айта кетейік, бұған дейін Нұршат Төлеуқасым ширек финалда Оңтүстік Корея спортшысын 7:3 есебімен жеңіп, жартылай финалда Қытай өкіліне есе жіберген болатын.