Юлия Галышева параллельді могул бойынша Әлем чемпионатының күміс жүлдесін иеленді

Осы күндері Испанияның Сьерра-Невада тау-шаңғы курортында шаңғы фристайлы және сноубордтан 2017 жылғы Әлем чемпионаты өтуде.

Бүгін қазақстандық Юлия Галышева параллельді могул бойынша күміс жүлдеге ие болды.

Бұл - 24 жастағы спортшының Әлем чемпионаттарындағы екінші медалі. 2015 жылы  параллельді могул бойынша қола жүлдегер атанған болатын. Ол - бұл спорт түрі бойынша Әлем чемпионатында жүлде иеленген жалғыз қазақстандық спортшы.

Алтын жүлдені  франциялық Перрин Лафо, қола медальді америкалық спортшы Джаелин Кауф еншіледі.

Естеріңізге саламыз, чемпионатты «Kazsport» телеарнасы тікелей эфирде көрсетуде.

Жарыс 19 наурызға дейін жалғасады.