«Ювентус» УЕФА Чемпиондар лигасының ширек финалына шықты

УЕФА Чемпиондар лигасының 1/8 финалында кездескен «Ювентус» пен «Порту» арасындағы матч 1:0 есебімен аяқталып, туриндіктер екі кездесудегі жеңістерінің арқасында ширек финалға шықты.

Кездесудің алғашқы минуттарынан белсенді болған «Ювентус» футболшылары есепті 42-ші минутта ашқан болатын. Төреші «Порту» қорғаушысы Максимильяно Перейраның өз айып алаңында қолымен ойнағаны үшін Касильяс қақпасына пенальти белгіледі. Ал, «Ювентустың» жас жұлдызы Пауло Дибала 11-метрлік қашықтықтан мүлт кетпеді. 

Екінші таймда қауіпті сәттер көп болғанымен, қарсыластар өз мүмкіндіктерін нәтижелі қолдана алмады.

«Ювентус»-«Порту» 1:0

Жалпы есеп - 3:0

«Ювентус»-«Порту» кездесуін тікелей эфирде көрсеткен «Kazsport» телеарнасы.