Қазақстан құрамасы маусым айында Әзірбайжан құрамасымен жолдастық кездесу өткізеді

Қазақстан футбол федерациясы Әзірбайжан ұлттық құрамасымен жолдастық матч өткізу жөнінде келісімге келді. 

Ойын 5 маусым күні елордада "Астана Арена" стадионында өтеді.

Осы келісімнің аясында Қазақстан мен Әзірбайжан жастар құрамалары да жолдастық матч ойнайтын болды. Кездесу 4 маусымға жоспарланған. Бұл ойынды да "Астана Арена" стадионы қабылдайды.

Бұл біздің құрамамыз үшін 2018 жылдағы үшінші жолдастық кездесу болмақ. Бұған дейін Станимир Стойлов шәкірттері Венгия (3:2) құрамасын жеңсе, Болгария (1:2) құрамасынан жеңілген еді.