Реал Мадрид Уефа чемпиондар лигасының жеңімпазы
Мадридтік "Реал" Чемпиондар лигасының 2017/2018 маусымының жеңімпазы болды.
Киев төрінде ағылшынның "Ливерпулі" мен испанның "Реал Мадриді" жолыққан. Мадридтік команда қатарынан үшінші маусым кәрі құрлықтың басты додасында финалға шығып тұрса, "Ливерпуль" үшін бұл соңғы 11 жылдағы алғашқы осындай жетістік.
51-минутта қақпашы Лорис Кариустың өрескел қателігінен кейін Карим Бензема есеп ашты. Бірақ, төрт минуттан соң Садио Мане таразы басын теңестіріп, есепті 1:1 етті. Ал 64-минутта Марселоның қапталдан асырған пасынан соң Гарет Бэйл қайшылай соққы жасап, командасын алға шығрады. Бұл голмен мадридтік команда тоқтап қалған жоқ. 83-минутта Бэйлдің алыстан жасаған соққысына "мерсисайдтық" қақпашы дайын болмай шықты. Қорытынды есеп – 3:1. "Реал" қатарынан үшінші жыл Чемпиондар лигасын жеңіп алды.
