Бразилия - Әлем Чемпионатының ширек финалында

Әлем Чемпионатының 1/8 финалдық кезеңінде Бразилия құрамасы Оңтүстік Кореяны 4:1 есебімен ұтып, Әлем Чемпионатының ширек финалына жолдама алды. Неймар ұлттық құрама сапында 123-ші ойынында 76-шы голын соғып, Пеленің нәтижесін жаңартуға жақын қалды.

Бразилия - Оңтүстік Корея 4:1

ГОЛДАР: 

7 мин. Винисиус (1:0)

13 мин. Неймар (2:0)

29 мин. Ришарлиссон (3:0)

36 мин. Пакета (4:0)

76 мин. Сын Хо Бэк (4:1)

1/4 финалда Бразилия - Хорватия құрамалары кездеседі. Бүгін жаһандық доданың ширек финалына шыққан барлық командалар белгілі болады. Елорда уақытымен сағат 20:50-де Марокко - Испания ойыны, 00:50-де Португалия - Швейцария арасындағы ойынға куә боламыз. Екі ойынды да  «Qazaqstan» және «Qazsport» телеарнасының тікелей эфирінен көре аласыздар.