Эрисланди Лараның жаңа қарсыласы анықталды

Осы жексенбіде Эрисланди Лара қазақстандық боксшы Жәнібек Әлімханұлымен үш чемпиондық белбеуді сарапқа салатын жекпе-жек өтуі керек еді.

Ерікті допингке қарсы VADA қауымдастығы отандасымыздың сынамасынан тыйым салынған мельдоний препаратын табылғанын мәлімдеген соң, бұл кездесу өтпейтін болды.

Premier Boxing Champions ұйымдастырушылары Жәнібектің орнына жаңа қарсылас бекітілгенін хабарлады. Ол 34 жастағы венесуэлалық Йохан Гонсалес (36-4, 24 KO) болады. 1 наурызда Гонсалес бірінші орта салмақтағы бұрынғы әлем чемпионы Джаррет Хердті жеңген. Ал Херд кезінде дәл осы Эрисланди Лараны да ұтқан.