Елена Рыбакина Сиднейдегі турнирге жарақатына байланысты қатыспайды

Аустралияның Сидней қаласында өтіп жатқан халықаралық теннис турнирінде Елена Рыбакина жарақатына байланысты жарысты жалғастыра алмайды. Отандасымыз екінші айналымда испаниялық Каролин Гарсиямен кездесуі керек еді. Алайда бұл кездесуге қатыса алмай, ширек финалға испан теннисшісі өтті. 

Әлемнің 13-ші ракеткасы өз жарақатына байланысты:  «Өткен аптадағы көп ойындар салдарынан, Сиднейге ұшып келген уақытта өзімді жайсыз сезіндім. Бүгінгі матчқа қатыса алмағаным өкінішті. Жанкүйерлерден мен үшін уайымдамауын сұраймын. Аустралияның ашық біріншілігіне дейін дайындық жұмыстарын жүргізіп, жақсы ойын көрсетемін деген ниеттемін. Турнир қатысушыларына сәттілік тілеймін» , - деп өз ойын білдірді.