Еуро-2024: Ұлттық құрама Данияны жеңді
Футболдан Қазақстан құрамасы 2024 жылғы Еуропа чемпионатының іріктеу кезеңінің ойынында Дания құрамасымен кездесіп, 3-2 есебімен жеңді.
Н тобында басты фаворит саналған Каспер Юльманн шәкірттері алғашқы минуттардан бастап жиі-жиі шабуылдап, Расмус Xёйлунд ойынның 21 минутында Игорь Шацкий қорғаған қақпадан саңылау тапты. Араға 15 минут салып, жас дат шабуылышысы Қазақстан құрамасының алаңындағы қарбаласты пайдаланып, дубль авторы атанды. Айта кетейік, 20 жасар ойыншы осыған дейін Финляндия қақпасына үщ гол соққан.
Екінші таймда Бақтияр Зайнутдинов (ойынның 73-минуты) пенальтиді сәтті орындады. Бұл Бақтиярдың Ұлттық құрама жейдесіндегі 28-ойыны және ұлттық құрама сапындағы 11-голы.
Қазір 24 жастағы жартылай қорғаушы сұрмергендер тізімінде 3-орында. Қазақстан құрамасы үшін Руслан Балтиев (13 гол) пен Виктор Зубарев (12 гол) ең көп гол соққан.
Ойынның 86-минутта Бауыржан Исламханнан пас алған Асхат Тағыберген айып алаңының сыртынан соққы жасап, тәжірибелі Каспер Шмейхель қақпасынан саңылау тапты. Бұл 32 жастағы ойыншының Қазақстан құрамасы сапындағы бірінші голы. Осылайша, капитан өзінің 43-ойынында ұлттық құрама сапындағы алғашқы голын соқты.
Ойынның есебін теңестірген соң Қазақстан құрамасы алға ұмытылып, 89-минутта жеңіс голын соқты. Абат Аймбетов Ян Вороговский әуелете берген пасты сәтті пайдаланды. Бұл Абаттың 28-ші ойыны болатын. Осы уақыт аралығында шабуылшы 7 гол соққан.
Қазақстан Еуропа чемпионатына іріктеу кезеңіндегі келесі ойынын 16 маусым күні сырт алаңда Сан-Марино құрамасына қарсы өткізеді,
