Мейрамбек Қартбай Париж Олимпиадасында бақ сынайды
Біріккен күрес әлемінің (UWW) Қазақстан ҰОК-ке жолдаған ресми хатында 57 келі салмақ дәрежесінде бақ сынайтын қазақстандық балуанның Олимпиада ойындарының жолдамасына ие болғаны белгілі болды.
Естеріңізде болса Әлем Чемпионатында Олимпиада лицензиясы үшін Мейрамбек Қартбай Токио Олимпиадасының жеңімпазы Заур Угуевпен күресіп жеңілген еді. Ресей балуандары Олимпиададан бас тартқан соң, жолдамалар қайта үлестірілді. Осылайша, қазақстандық Мейрамбек Қартбай Олимпиада жолдамасына ие болды.
Айта кетелік, Мейрамбек Қартбай 2023 жылғы әлем чемпионатында бесінші орын алды. Күрес түрлерінен Қазақстан құрамасы сегіз салмақ дәрежесінде бақ сынайды: Мейрамбек Қартбай (57 келі), Азамат Дәулетбеков (86 келі), Әлішер Ерғали (97 келі) және Юсуп Батырмұрзаев (125 келі).
Дәл қазір Қазақстан қоржынында Париж Олимпиадасына 25 спорт түрінен 91 лицензия бар. Парижде өтетін жазғы Олимпиада ойындары 26 шілдеден басталады.
