Бельгия мен Египет тең тарқасты

Футболдан әлем чемпионаты G тобында Бельгия мен Египет құрамалары өзара жеңімпазды анықтай алмады.

Матч АҚШ-тың Сиэтл қаласындағы «Люмен Филд» стадионында өтті.

Кездесудегі есепті 19-минутта Ашур ашып, Египет құрамасын алға шығарды. Алайда екінші таймда 66-минутта Хани өз қақпасына гол соғып, таразы басын теңестірді.

Нәтижесінде матч 1:1 есебімен аяқталды.

Посмотреть эту публикацию в Instagram

Публикация от «QAZSPORT» телеарнасының ресми парақшасы (@qazsport_official)

Осылайша Бельгия мен Египет топтық кезеңдегі алғашқы кездесуінде бір ұпайдан еншіледі.

Екінші турда Бельгия құрамасы 21 маусым күні Иранмен кездессе, Египет 22 маусымда Жаңа Зеландияға қарсы ойнайды.