Талғат Байсуфинов Қазақстан құрамасының бас бапкері қызметінен кетті

Қазақстан футбол федерациясы Талғат Байсуфиновтың ұлттық құраманың бас бапкері қызметінен кеткенін хабарлады.
ҚФФ мәліметінше, Талғат Байсуфинов қызметінен кету туралы шешімді өзі қабылдаған.

«Команда тізгініндегі жұмысы барысында Талғат Байсуфинов құрамадағы барлық кезеңдері арасында ең үздік нәтижені көрсетті. Оның ішінде әлем чемпионатының іріктеу кезеңінде Бельгиямен өз алаңымызда тең түсті. Оның жетекшілігімен команда өз күшіне деген сенімділікті қайтарып, ФИФА рейтингіндегі орнын жақсартты» , - делінген ресми хабарламада.